حوار ظريف بين العقل والقلب

عندما نتطرق الي الحب فان هناك دوما صراع دائر

بين القلب والعقل

القلب لا يعترف بالموانع والاعاقات

والعقل يفكر في العواقب والخفاقات

دعونا نري هذا الحوار بين العقل والقلب وأريد ان اري التعليقات

======================


العقل-انت مش ناوي تسيبني في حالي؟

القلب -و الله انت اللي تاعبني وتاعب نفسك

العقل -طيب يا اخي طالما مش طايقني ليه مابتتهدش وترحمني شوية؟

القلب -اولا انت ماتعرفش تعيش من غيري...دي مسئولية

العقل-يا أخي والله لو هموت.........البعد عنك غنيمة

القلب-ياه..دانت شايل مني قوي مع اني والله ماعملت حاجة تزعلك

العقل-يا راجل؟دانت مشغلني معاك ليل نهاروكل شوية تجيبلي شغل جديد وانا لسة

القديم ماخلصتش منه

القلب-انا مش عارف انت ليه مش مصدق ان دا مش بايدي

العقل-بايدك ولا مش بايدك ..انا خلاص تعبت منك

القلب -ياسيدي معلش استحملني احنا بردو جيران

العقل-ماهو في حدود للاستحمال وبعدين انا ياما نصحتك

القلب-اصل انت رايك بيبقي ناشف اوي وبعدين ماتنكرش منت كتير بتبقي مبسوط انك

شغال هو في احلي من الشغل اللي باجيبهولك؟

العقل -يا فرحتي بالكام يوم اللي ببقي مبسوط فيهم منا برجع تاني اتقرف

وساعات ماببطلش شغل عشان سياتك تبقي مبسوط

القلب -طب وايه يعني منا قدامك عمري مابطلت شغل حتي وانت نايم ومش هابطل

لغاية ماموت

العقل -اصل انت شغلك غير شغلي

القلب-انا من غير شغلي انت ماتقدرش تعيش

العقل -ماهو انت لو تخليك في شغلك ومالكش دعوة بحاجة تانية كان زمانك ريحتني

القلب-ماينفعش دا هي دي الحاجة اللي بتخليني عايش..زي ماتقول البنزين يعني

العقل -يووووه.احنا كدا مش هنخلص يعني انا انكتب عليا افضل متمرمط وياك؟؟؟

القلب-يا اخي اصبر مش جايز في مرة اجيبلك شغل يعجبك علطول

العقل-ههههههههه مش بقولك انك مش عارف حاجة؟

اهو اللي انت بتتكلم فيه دا مستحيل

القلب-ليه بس مش يمكن؟

العقل -و الله لو قعدت ميت سنة مافيش في الدنيا شغل يريح... موت يا حمار

القلب-يا سيدي مقبولة منك بس بردو ارجع واقولك

مش بايدي وبعدين منا بتعذب معاك

العقل-يا سلام ؟وتفضل انت تجيب الشغل وانا وانت نتعذب ..

والله دي عيشة زي الفل

القلب-بس بردو هنفضل جيران واصحاب

العقل-هقولك ايه يعني جيران واصحاب

القلب-طيب حضر نفسك بقي للشغل الجديد

العقل -يوه تاااااااااااني ؟؟


ياريت يكون عجبكم

وربنا يهدى عقلنا وقلبنا ويتوفقوا مع بعض

======================


تحيتى لكم ...


Asfora

</B>

ههههههههههههههههههههههههههههههههههههههههه
ده مين الي يقدر يخلي الاتنين يتفوقوا مع بعض